Qoraqalpog‘iston Respublikasi Pedagogik mahorat markazi tomonidan umumiy o‘rta ta’lim maktablarining direktor o‘rinbosarlari o‘rtasida o‘tkazilgan «Zamonaviy rahbar» tanlovi o‘z yakuniga yetdi.
Tanlov jarayonida ishtirokchilar zamonaviy rahbarlik ko‘nikmalari, muammoli vaziyatlarni yechishdagi yondashuvlari, jamoa bilan samarali ishlash qobiliyati va ta’lim jarayonini boshqarishda innovatsion yondashuvlarga tayyorlik darajasi bo‘yicha baholandi.
Tanlov natijalariga ko‘ra, tanlovda faol ishtirok etib, yuqori natijalarni ko‘rsatgan ishtirokchilar Qoraqalpog‘iston Respublikasi Pedagogik mahorat markazi ma’muriyati tomonidan «Hurmat yorlig‘i» bilan taqdirlandi.
