“ENG YAXSHI AI YECHIM” — INNOVATSIYAGA YANGICHA QARASH

Qoraqalpog‘iston Respublikasi Pedagogik mahorat markazida Informatika va axborot texnologiyalari fani kursi tinglovchilari o‘rtasida “Eng yaxshi AI yechim” tanlovi o‘tkazildi. Maqsad — tinglovchilarning sun’iy intellekt va zamonaviy raqamli texnologiyalardan samarali foydalanish ko‘nikmalarini rivojlantirish, innovatsion g‘oyalarni qo‘llab-quvvatlash hamda ta’lim jarayoniga ilg‘or AI yechimlarni joriy etish. Tanlovda tinglovchilar tomonidan innovatsion dasturiy mahsulotlar va amaliy AI yechimlar taqdim etilib, ularning ta’lim jarayonidagi qo‘llash imkoniyatlari namoyish etildi. Tanlov yakunida g‘oliblar aniqlanib, ularga Faxriy yorliq topshirildi.