“Korrupsiyasiz jamiyat” mavzusida tadbir o‘tkazildi

Qoraqalpog‘iston Respublikasi Pedagogik mahorat markazida korrupsiyaga qarshi kurash masalalariga bag‘ishlangan “Korrupsiyasiz jamiyat” mavzusida tadbir bo‘lib o‘tdi. Tadbirda Ijtimoiy-iqtisodiy fanlar metodikasi kafedrasi katta o‘qituvchisi A. Shirazov so‘z olib, 2025-yil 5-mart kuni O‘zbekiston Respublikasi Prezidenti Shavkat Mirziyoyev raisligida o‘tkazilgan Korrupsiyaga qarshi kurashish milliy kengashining majlisi natijalari haqida ma’lumot berdi. U korrupsiyaning islohotlar yo‘lida eng katta to‘siq ekanligini ta’kidlab, so‘nggi yillarda bu illatga qarshi qabul qilingan qonunlar va yaratilgan yangi tizimlar haqida so‘zlab berdi.