Qaraqalpaqstan Respublikası ulıwma orta bilim beriw mektepleriniń texnologiya páni muǵallimleri ushın Pedagogikalıq sheberlik orayında “Baslawısh klasslarda texnologiya pánin oqıtıw metodikası” atamasında qısqa múddetli oqıw kursı shólkemlestirildi. Bul kurs Pedagogikalıq sheberlik orayı Mektepke shekemgi, baslawısh hám arnawli tálim beriw metodikaları kafedrası docenti, P. Saliyeva hám de Metodikalıq xizmet kórsetiw bólimi texnologiya páni metodisti M. Palwanova hám baslawısh tálim beriw metodisti Sh. Ametova tárepinen alıp barıldı. Kurs maqseti – baslawısh klass muǵallimleriniń texnologiya pánin oqıtıw boyınsha kásiplik sheberligi hám metodikalıq potencialın arttırıw, zamanagóy bilimlendiriw kózqarasları tiykarında sabaqlardı nátiyjeli shólkemlestiriw hám oqıwshılarda dóretiwshilik, miynet súygishlik, ámeliy kónlikpeler hám texnologiyalıq sawatlılıqtı rawajlandırıwdan ibarat. Kurs dawamında tıńlawshılarǵa texnologiya pániniń teoriyalıq tiykarları, 1-4-klasslarda pándi oqıtıw metodikası, ámeliy sabaqlardı shólkemlestiriw, konstrukciyalaw hám modellestiriw, dóretiwshilik joybarlardı islep shıǵıw hám zamanagóy bahalaw qurallarınan paydalanıw boyınsha zárúr bilim hám kónlikpeler berildi. ✨ Kurs juwmaǵında qatnasıwshılar texnologiya sabaqların búgingi bilimlendiriw talapları hám oqıwshılardıń mútájliklerine sáykes túrde nátiyjeli shólkemlestiriw, ámeliy hám dóretiwshilik jumısqa baǵdarlanǵan oqıw procesin jolǵa qoyıw boyınsha kompetenciyaların jáne de bekkemledi. 
Pedagogikalıq sheberlik orayında qısqa múddetli oqıw kursı shólkemlestirildi
Back To Top