Qaraqalpaqstan Respublikası Pedagogikalıq sheberlik orayında 26-iyun – Xalıqaralıq náshebentlikke qarsı gúresiw kúni múnásibeti menen ruwxıy-aǵartıwshılıq isleri boyınsha direktor orınbasarlarınıń qánigeligin arttırıw kursı tıńlawshılarınıń qatnasıwında “Oqıwshı-jaslar arasında salamat ortalıqtı jaratıw” atamasında ruwxıy-aǵartıwshılıq ilajı ótkerildi. Bul ilajdıń tiykarǵı maqseti oqıwshı-jaslardı náshebentlik hám basqa da zıyanlı ádetlerden, sonday-aq, hár qıylı unamsız illetlerden saqlaw, olarda salamat turmıs tárizine ámel etiw boyınsha bilim, kónlikpe hám turmıslıq immunitetti qáliplestiriwden ibarat. Ilaj dawamında qatnasıwshılar tárepinen náshebentlikke qarsı profilaktikalıq jumıslardı nátiyjeli shólkemlestiriw, oqıwshılardıń bos waqtın mazmunlı ótkeriw, olardı sport hám dóretiwshilik dógereklerge keńnen tartıw, ata-analar menen birge islesiwdi jáne de kúsheytiw boyınsha pikir-usınıslar bildirildi. Sonday-aq, ilaj sheńberinde tıńlawshılar tárepinen “Náshebentlik qurbanı bolǵan oqıwshı” atamasındaǵı saxnalıq kórinis (pantomima) qoyıp berildi. Usı saxnalıq kórinis arqalı zıyanlı ádetlerdiń insan ómirine unamsız tásiri hám jaslardıń nadurıs jolǵa kirip qalıwınıń aqıbetleri kórkemlep kórsetilip, qatnasıwshılarda tereń tásir qaldırdı. 
Oqıwshı-jaslar arasında salamat ortalıqtı jaratıw
Back To Top