27-iyun – Baspasóz hám ǵalaba xabar quralları xızmetkerleri kúni múnásibeti menen Qaraqalpaqstan Respublikası Pedagogikalıq sheberlik orayında ǵalaba xabar quralları wákilleriniń qatnasıwında bayram keshesi shólkemlestirildi. Ilajda Oray direktorı G. Kojabaeva hám direktor orınbasarı B.Iztleuov qatnastı. Ilaj dawamında Oray direktorı G.Kojabaeva ǵalaba xabar quralları xızmetkerlerin kásiplik bayramı menen qızǵın qutlıqlap, olardıń bilimlendiriw tarawında ámelge asırılıp atırǵan reformalardı keńnen sáwlelendiriw, xalıqqa operativ hám qalıs málimleme jetkeriw jáne jámiyette ashıq-aydınlıq principlerin bekkemlewdegi múnásip úlesin ayrıqsha atap ótti. Ilaj sońında Oraydıń jumısın ǵalaba xabar qurallarında keń hám qalıs sáwlelendiriwge múnásip úles qosıp kiyatırǵan bir topar jurnalist hám blogerlerge Minnetdarshılıq xatı hám estelik sawǵaları tapsırıldı.
