Qaraqalpaqstan Respublikası pedagogikalıq sheberlik orayınıń baslaması menen ulıwma orta bilim beriw mektepleriniń direktor orınbasarları tıńlawshıları arasında “Zamanagóy basshı” tańlawı baslandı.
Búgin, 2025-jıl 15-aprel kúni usı tańlawdıń birinshi basqıshı – IKT boyınsha sawatlılıģı boyınsha sınaqtan ótkerilmekte. Bul basqıshta qatnasıwshılar informaciya kommunikaciya texnologiyaların qollanıw boyınsha óz bilim hám kónlikpelerin kórsetpekte.
Tańlawdıń tiykarǵı maqseti – bilimlendiriw mákemelerinde zamanagóy basqarıwdı engiziw, basshı kadrlardıń sanlı texnologiyalardan nátiyjeli paydalanıw kónlikpesin jáne de bekkemlew hám pedagogikalıq sheberlikti arttırıwdan ibarat.
Tańlawdıń keyingi shártleri belgilengen tártipte basqıshpa-basqısh ótkeriliwi rejelestirilgen bolıp, jeńimpazlar keyingi basqıshlarda óz bilim hám tájiriybesin jáne de tolıq kórsetiw imkaniyatına iye boladı.
