“Bilimdan tıńlawshılar” tańlawı ótkerildi

 Qaraqalpaqstan Respublikası Pedagogikalıq sheberlik orayında mektepke shekemgi bilimlendiriw shólkemleri tárbiyashıları kursı tıńlawshıları arasında “Bilimdan tıńlawshılar” tańlawı shólkemlestirildi.  Bul tańlawdıń tiykarǵı maqseti tárbiyashılardıń kásiplik sheberligin arttırıw, mektepke shekemgi bilimlendiriw tarawındaǵı zamanagóy bilimler hám innovaciyalıq metodikalarǵa bolǵan qızıǵıwshılıǵın jáne de kúsheytiw.  Tańlawda kurs tıńlawshıları ózleriniń pedagogikalıq bilim hám kónlikpelerin sınaqtan ótkerdi.  Hár bir qatnasıwshı óziniń pedagogikalıq sheberligin, mektepke shekemgi bilimlendiriwde qollanılatuǵın jańa metodikalar menen texnologiyalardı ámeliy tárizde kórsetti.  Tańlawda sorawlar hár qıylı baǵdarlar boyınsha bolıp, hár bir qatnasıwshıdan kreativ pikirlew, metodikalıq hám psixologiyalıq qatnaslar, sonday-aq, balalar menen islesiwde jańa usıllardı qollanıw talap etildi.  Tańlawdıń juwmaqlawshı nátiyjeleri boyınsha eń joqarı ball toplaǵan tárbiyashılar arnawlı sıylıqlar menen sıylıqlandı.  Shólkemlestiriwshiler tárepinen tańlaw qatnasıwshılarına minnetdarshılıq bildirilip, bunday ilajlar olardıń kásiplik potencialın arttırıwǵa, zamanagóy bilimlendiriw texnologiyaların ózlestiriwge járdem beretuǵının atap ótildi.