Búgin, 2025-jıl 16-aprel kúni “Zamanagóy basshı” tańlawınıń ekinshi basqıshı kóterińki ruwxta hám dóretiwshilik ortalıqta ótkerildi. Bul basqısh qatnasıwshılar ushın haqıyqıy sınaq maydanına, óz potencialın kórsetiw imkaniyatına aylandı.
“Basqarıw qábiletine qoyılatuǵın talaplar” teması tiykarında shólkemlestirilgen tańlawda zamanagóy mektep basshısında bolıwı zárúr bolǵan strategiyalıq pikirlew, jedel hám durıs qarar qabıl etiw, jámáátti ruwxlandırıw, shólkemlestiriwshilik hám nátiyjeli qarım-qatnas sıyaqlı eń áhmietli kónlikpeler jarıtıp berildi.
Tańlawdıń bul basqıshında qatnasıwshılar tek ǵana bilim hám tájiriybeleri menen emes, al pedagogikalıq sheberligi hám innovaciyalıq kózqarasları arqalı da ózlerin kórsetti. Hár bir qatnasıwshı – bul keleshek basshısı bolıwǵa qaray isenimli qádem taslaǵan, ózinde jetekshilik reforması hám zamanagóy basqarıwdıń jańa nápesin jámlegen shaxs bolıp esaplanadı.
Tańlaw dawam etpekte, aldında bolsa jáne de joqarı shıńlar, úlken imkaniyatlar hám jarqın jeńisler kútip tur!
