2025-jıl 16-aprel kúni Qaraqalpaqstan Respublikası pedagogikalıq sheberlik orayında ózgeshe formatta, jańasha ruwxta pikirlewge shaqırıwshı trening shólkemlestirildi. Trening teması – “4K kónlikpelerin rawajlandırıw texnologiyaları: Dramogermenevtika,” yaǵnıy kreativ pikirlew, sın kózqarastan qatnas jasaw, kommunikaciya hám kollaboraciyanı rawajlandırıwǵa xızmet etetuǵın zamanagóy metodika.
Ilaj Tillerdi oqıtıw metodikası kafedrası docenti B.Turımbetov tárepinen alıp barıldı. Treningtiń tiykarǵı maqseti – pedagoglardıń kásiplik sheberligin arttırıw, zamanagóy bilimlendiriw texnologiyaların ózlestiriw kónlikpeleri hám kásiplik kompetenciyaların rawajlandırıw.
Shınıǵıwlar dawamında qatnasıwshılar tekstlerdi hár qıylı kózqarastan talqılaw, dramalıq qatnas arqalı mazmundı tereń ańlaw usılların úyrendi. Hár bir tapsırma tek teoriyalıq emes, al ámeliy jaqtan da nátiyjeli bolıp, qatnasıwshılarda analitikalıq pikirlew hám estetikalıq talǵamdı rawajlandırıwǵa qaratıldı.
Dramogermenevtika – bul tek ǵana tekst oqıw emes, al oni seziw, ańlaw, janlandırıw hám ogan jan beriw.
Trening qatnasıwshıları óz pikir-usınısları arqalı shınıǵıwdıń jańalıǵı, ámeliy áhmieti hám kásiplik rawajlanıwǵa qosqan úlesin ayrıqsha atap ótti.
Pedagog óz ústinde islese – oqıwshı oyında párwaz etedi. Dramogermenevtika – bul pikirlewge jol ashıwshı gilt!
