2025-jıl 16-aprel kúni “Mektepke shekemgi, baslawısh hám arnawlı tálim metodikaları” kafedrası tárepinen ózgeshe ruwxta, jańasha kózqaras penen shólkemlestirildi. Kafedra docenti G.Yusupova basshılıǵında ótkerilgen tańlaw “Zamanagóy baslawısh klass muǵallimleri” temasına baǵıshlandı. Ilajdıń tiykarǵı maqseti bolsa – tıńlawshılardıń bos waqıtların mazmunlı shólkemlestiriw, olardıń ruwxıy-aǵartıwshılıq potencialın arttırıw edi.
Tańlaw 4 basqıshta bolıp ótti:
Topar aǵzalarınıń qutlıqlawı – qatnasıwshılardıń qızǵın shıǵıwları menen baslandı;
Topar atın táriyiplew – hárbir topar ózine tán jantasıw hám kreativlik penen tanıstırıldı;
Intellektual sorawlar – bilim dárejesi sınaǵında qatnasıwshılar óz ziyrekligin kórsetti;
Pedagogikalıq mashqala hám saxna kórinisi – haqıyqıy klass ortalıǵındaǵı mashqalalar dóretiwshilik tárizde saxnada janlandı.
Ásirese, juwmaqlawshı basqısh – qatnasıwshılar tárepinen tálim-tárbiya temasında tayarlanǵan saxnalıq kórinisler tamashagóylerde tereń tásir qaldırdı. Hár bir jámáát óziniń individual qatnası, sociallıq áhmietke iye ideyaları menen ajıralıp turdı.
Tóreshiler quramı tárepinen barlıq qatnasıwshılardıń belsene qatnasqanı, kreativlik hám bilimlerin joqarı dárejede kórsetkenligi ayrıqsha atap ótildi. Tańlaw juwmaǵında tıńlawshılar tómendegi nominaciyalar menen sıylıqlandı:
“Bilimli tıńlawshı”
“Kreativ tıńlawshı”
“Aqıllı tıńlawshı”
“Dóretiwshi tıńlawshı”
Bul tańlaw tek ǵana qatnasıwshılar ushın emes, al pedagoglar ushın da ruwxlandırıwshı, ilhamlandırıwshı hám oqıtıwshılıq kásibiniń qanshelli juwapkershilikli hám dóretiwshi ekenligin jáne bir márte dálillewshi tańlaw boldı.
