Pedagogikalıq sheberlik orayında gezektegi Keńes májilisi bolıp ótti. Májiliske oray direktorı wazıypasın atqarıwshı B.Iztileuov basshılıq etti. Keńeste 2025-jıl juwmaqları boyınsha kafedra professor-oqıtıwshıları hám bólim xızmetkerleriniń jumıs iskerligi, miynet nátiyjeliligi jáne reyting kórsetkishlerin anıqlaw hám tallaw máseleleri kórip shıǵıldı.
Májilis dawamında jıl dawamında erisilgen nátiyjeler menen bir qatarda, orınlanıwı kerek bolǵan tiykarǵı wazıypalar belgilep alındı. Hár bir kafedra hám bólimniń 2025-jılǵı esabatları tıńlanıp, qánigelik arttırıw sistemasın jetilistiriw, tıńlawshılar menen sabaqlardı innovaciyalıq metodlar tiykarında shólkemlestiriw, sanlı hám multimedia bilimlendiriw resurslarınan nátiyjeli paydalanıw máselelerine ayrıqsha itibar qaratıldı.
Sonday-aq, kelesi oqıw jılı ushın strategiyalıq baǵdarlar belgilendi. Keńes kún tártibindegi máseleler boyınsha tiyisli qararlar qabıl etti. 
