Qaraqalpaqstan Respublikası Pedagogikalıq sheberlik orayında Pedagoglardı kásiplik rawajlandırıw boyınsha direktor orınbasarı Baymurat Iztileuov basshılıǵında texnikalıq ekspertler quramı aǵzalarınıń qatnasıwında ilaj shólkemlestirildi. Ilaj dawamında metodist D.Aytmuratova texnikalıq ekspertler quramı aǵzaların metodikalıq jumıslardı texnikalıq ekspertizadan ótkeriw boyınsha tayarlanǵan kórsetpeler menen tanıstırdı. Atap aytqanda, Mektepke shekemgi hám mektep bilimlendiriwi ministrliginiń 2026-jıl 27-fevraldaǵı 84-sanlı buyrıǵına muwapıq, texnikalıq ekspertler tárepinen tómendegi 7 tiykarǵı hújjettiń tolıqlıǵı hám texnikalıq talaplarǵa muwapıqlıǵı tekseriliwi belgilendi: pedagogikalıq keńestiń qararı – 2026-jıl 27-fevraldan keyingi sánesi menen, PDF formatta; metodikalıq jumıs kólemi – metodikalıq qollanba keminde 20 bet, metodikalıq usınıs keminde 10 bet (PDF, DOC/DOCX formatlarında); obyektivka – ámeldegi jumıs ornı anıq kórsetilgen halda (PDF formatta); antiplagiat nátiyjesi – originallıq dárejesi keminde 70 procent bolıwı shárt; qánige pikiri – joqarı yaki birinshi kategoriyalı yamasa ilimiy ataqqa iye qánige tárepinen tayarlanǵan hám mór menen tastıyıqlanǵan bolıwı kerek; diplom nusqası – qánigelikti tastıyıqlawshı hújjet (PDF formatta); birgeliktegi avtordıń razılıǵı – zárúr jaǵdaylarda qol tańba hám mór menen tastıyıqlanǵan hújjet. Texnikalıq talaplarǵa juwap bermegen jumıslar keyingi basqıshqa ótkerilmeydi. 
