2026-jıl 18-iyun kúni Qaraqalpaqstan Respublikası Pedagogikalıq sheberlik orayında “Korrupciyanıń aldın alıwda bilimlendiriwdiń roli” atamasında májilis shólkemlestirildi. Májiliste Qaraqalpaqstan Respublikası Pedagogikalıq sheberlik orayınıń direktorı G.Kojabaeva, Qaraqalpaqstan Respublikası prokurorınıń aǵa járdemshisi E.Qayıpova, Qaraqalpaqstan Respublikası Ádillik ministrliginiń korrupciyaǵa qarsı ishki qadaǵalaw boyınsha bas másláhátshisi J. Bekimbetov, Qaraqalpaqstan Respublikası Ishki isler ministrliginiń operativ wákili R. Kallibekov, tiyisli taraw qánigeleri, oraydıń professor-oqıtıwshıları hám tıńlawshıları qatnastı. Ilaj dawamında korrupciyanıń aldın alıwda bilimlendiriwdiń ornı hám áhmiyeti, jaslardıń sanasında hadallıq hám bilimlendiriw mákemelerinde ashıq-aydınlıqtı támiyinlew, sonday-aq, korrupciyaǵa qarsı gúresiw tarawında ámelge asırılıp atırǵan reformalardıń mazmun-mánisi boyınsha bayanatlar tıńlandı. Sonday-aq, qatnasıwshılar menen korrupciyaǵa qarsı gúresiw boyınsha nızamshılıq hújjetleri, profilaktikalıq ilajlar jáne bilimlendiriw sistemasında hadallıq mádeniyatın keńnen úgit-násiyatlaw máseleleri boyınsha pikir alısıldı.
