Ózbekstan saylandı komandasınan 16 medal hám 1 tur boyınsha absolyut jeńimpaz — Abu Rayxan Beruniy atındaǵı xalıqaralıq ximiya olimpiadası tabıslı juwmaqlandı Búgin Abu Rayxan Beruniy atındaǵı xalıqaralıq ximiya olimpiadasınıń saltanatlı sıylıqlaw máresimi bolıp ótti. Ilajda Qaraqalpaqstan Respublikası Joqarǵı Keńesi Komitet baslıǵı Murat Atamuratov, Ózbekstan Respublikası Bilimlendiriw hám ilim ministriniń orınbasarı Mehriniso Pardayeva, Ilimler akademiyasınıń birinshi vice-prezidenti Shomansur Sagdullaev, Qánigelestirilgen bilimlendiriw mákemeleri agentliginiń direktorı Sevara Shakirova, Pán olimpiadaları orayınıń direktorı, ARBIChO 2026 Shólkemlestiriw komitetiniń baslıǵı Toraboy Shermatov, Qaraqalpaqstan Respublikası Mektepke shekemgi hám mektep bilimlendiriwi ministri Amanjol Ayapov qatnastı. ➖ Juwmaqlawshı nátiyjelerge bola, Ózbekstan saylandı komandası aǵzaları jámi 16 — 4 altın, 6 gúmis hám 6 bronza medal jáne ámeliy sınaq boyınsha tolıq jeńimpazlıqtı qolǵa kirgizdi. Maǵlıwmat ornında: regionallıq xalıqaralıq olimpiadalardaǵı medallar ushın: ➖ Altın medal iyesine — 12 BEM (5 280 000 sum), muǵallimine — 50 BEM (22 000 000 sum); ➖ Gúmis medal iyesine — 8 BEM (3 520 000 sum), oqıtıwshısına — 35 BEM (15 400 000 sum); ➖ Bronza medal iyesine — 6 BEM (2 640 000 sum), oqıtıwshısına — 30 BEM (13 200 000 sum) muǵdarında bir mártelik aqshalay sıylıq beriledi. Sonday-aq, xalıqaralıq hám regionallıq xalıqaralıq olimpiada jeńimpazları joqarı oqıw orınlarına kiriwde óz páninen maksimal ballǵa iye boladı. Sonday-aq, jeńimpazlardıń ustazı tikkeley joqarı kategoriya aladı.
