🗣️Qaraqalpaqstan Respublikası Pedagogikalıq sheberlik orayı Anıq hám tábiyıy pánler metodikası kafedrası professor-oqıtıwshıları 28-aprel kúni Xorezm wálayatındaǵı Mamun universitetinde xızmet saparında boldı. Xızmet saparınıń tiykarǵı maqseti – tábiyıy pánler (biologiya, fizika, ximiya) laboratoriya sabaqların jáne de nátiyjeli shólkemlestiriw, mektep oqıtıwshılarınıń kásiplik hám pedagogikalıq sheberligin rawajlandırıwǵa xızmet etetuǵın jańa metodikalıq usınıslardı islep shıǵıwdan ibarat boldı.
☄️Sapar sheńberinde “Mobile Labs” joybarınıń prezentaciyası ótkerildi. Bul joybarda:
Biologiya, fizika hám ximiya pánleri ushın kóshpeli laboratoriyalardı jaratıw;
Laboratoriya sabaqların shólkemlestiriw boyınsha zamanagóy hám nátiyjeli metodikalıq usınıslar islep shıǵıw,
📊 Metodikalıq qollanbalardı tayarlaw hám baspadan shıǵarıw jumısları rejelestirildi.
✨Bul baslama mektep oqıtıwshıları hám oqıwshıları ushın ámeliy kónlikpelerdi rawajlandırıw, eksperimentler tiykarında bilimlendiriwdiń sapasın arttırıw imkaniyatın beredi.
Xızmet saparı dawamında mektep oqıtıwshılarınıń kásiplik hám pedagogikalıq sheberligin arttırıwǵa qaratılǵan bir neshe jańa joybarlar kórip shıǵıldı.
Bul joybarlar:
Oqıtıwshılardıń kásiplik hám sanlı kompetentliklerin rawajlandırıw; Pánlerdi zamanagóy innovaciyalıq texnologiyalar tiykarında oqıtıwdı jáne de jetilistiriwge arnalǵan bilimlendiriw platformaların jaratıw;
Aymaqlıq hám Respublika dárejesindegi qánigelik arttırıw baǵdarlamalarına jańasha qatnaslardı engiziwge qaratılǵan.
Sapar juwmaǵında Pedagogikalıq sheberlik orayı hám Mamun universiteti arasında birge islesiwdi bekkemlew maqsetinde Memorandumǵa qol qoyıw boyınsha rejeler dúzilip alındı. 📌Tárepler óz-ara birge islesiw sheńberinde:
Qospa ilimiy-izertlew joybarların ámelge asırıw;
Qánigelik arttırıw kursları hám seminarlar shólkemlestiriw;
Tájiriybe almasıw hám ámeliyat sabaqların birgelikte ótkeriw sıyaqlı perspektivalıq rejelerdi belgilep aldı.
Bul xızmet saparı nátiyjesinde tábiyiy pánler boyınsha bilimlendiriwdiń sapasın arttırıw, oqıtıwshılardıń kásiplik hám metodikalıq potencialın bunnan bılay da rawajlandırıw, innovaciyalıq joybarlardı ámelge asırıw jolında áhmietli qádemler taslandı.
Pedagogikalıq sheberlik orayı keleshekte de zamanagóy bilimlendiriw talaplarına juwap beretuǵın, ilim hám ámeliyattı birlestirgen joybarlardı ámelge asırıwda belsene qatnasıwda dawam etedi. 
