Qaraqalpaqstan Respublikası Pedagogikalıq sheberlik orayında 13-14-noyabr kúnleri Tashkent qalasında bolıp ótken Oraylıq Aziya mámleketleri basshılarınıń jetinshi sammiti sheńberinde ámelge asırılǵan ushırasıw hám ilajlar boyınsha “Mánawiyat saatı” shólkemlestirildi. Ilajda Ózbekstan Respublikası Prezidenti Shavkat Mirziyoevtiń 2025-jıl 13-noyabrde “Xalıq sózi” gazetasında járiyalanǵan “Oraylıq Aziya jańa dáwir bosaǵasında” atamasındaǵı maqalası dodalandı. Mánawiyat saatında Pedagogikalıq sheberlik orayınıń professor-oqıtıwshıları belsene qatnastı.
Ilajdı “Sociallıq-ekonomikalıq pánler metodikası” kafedrası baslıǵı, t.i.k. docent R. Bauetdinov alıp bardı. Ol óziniń shıǵıp sóylegen sózinde Prezidentimizdiń maqalasında alǵa qoyılǵan ideyalar – Oraylıq Aziya regionında óz-ara isenim hám birge islesiwdi bekkemlew, turaqlı rawajlanıw, tınıshlıq hám qáwipsizlikti támiyinlewdiń áhmiyetine ayrıqsha toqtap ótti.
Sonday-aq, ilajda region mámleketleri arasındaǵı ekonomikalıq, siyasiy, mádeniy-gumanitarlıq baylanıslardı rawajlandırıw, bilimlendiriw hám ilim tarawındaǵı birge islesiwdi keńeytiw baslamaları tallandı.
Ilaj juwmaǵında pedagogikalıq jumısta usı ideyalardı engiziw hám ruwxıy-aǵartıwshılıq jumıslardı nátiyjeli shólkemlestiriw boyınsha pikir-usınıslar bildirildi.
