2026-jıl 25-iyun kúni Qaraqalpaqstan Respublikası Pedagogikalıq sheberlik orayı Metodikalıq xızmet kórsetiw bólimi metodistleri tárepinen tastıyıqlanǵan reje tiykarında Qaraqalpaqstan Respublikasında 2026-2027-oqıw jılında bilimlendiriw sapası tómen bolǵan 20 ulıwma bilim beriw mektebinde tálim-tárbiya procesin jetilistiriw maqsetinde 72 saatlıq qısqa múddetli oqıw kursı shólkemlestirildi. Maqset: bilimlendiriw sapası tómen bolǵan mekteplerde pedagoglardıń kásiplik sheberligin arttırıw, bilimlendiriwdiń sapasın jaqsılaw hám oqıwshılardıń bilim nátiyjelerin joqarı dárejege kóteriwge metodikalıq járdem beriwden ibarat. Bul oqıw procesinde “Sabaqtıń quramlıq bólimleri hám onı usınıw metodikası,” “Oqıwshılarda XXI ásir kónlikpelerin qáliplestiriw,” “Xalıqaralıq bahalaw baǵdarlamaları (PISA, PIRLS, TIMSS) nátiyjeleri tiykarında bilimlendiriw sıpatın arttırıw” temalar tiykarında oqıtıwshılarǵa zamanagóy pedagogikalıq qatnaslar, sabaqlardı nátiyjeli rejelestiriw hám shólkemlestiriw, pánlerdi oqıtıw procesindegi mashqalalardı anıqlaw hám saplastırıw, sonday-aq, oqıwshılardıń ózlestiriw kórsetkishlerin jaqsılaw boyınsha metodikalıq járdem kórsetildi. Sabaqlar juwmaǵında pedagoglar tárepinen bildirilgen pikir-usınıslar tıńlanıp, bilimlendiriwdiń sapasın bunnan bılay da arttırıwǵa qaratılǵan usınıslar islep shıǵıldı. 
Metodikalıq járdem arqalı bilimlendiriwdiń sapasın arttırıw
Back To Top