Pedagogikalıq sheberlik orayında joqarı bilim hám kásiplik tájiriybege iye pedagoglardıń sheberlik maydanına aylanǵan “Jıl oqıtıwshısı” tańlawınıń úshinshi basqısh sınaqları qızǵın dawam etpekte. Onda respublikamızdıń 17 rayon (qala) larınan jámi 34 pedagog qatnasıp, óz bilim hám potencialın kórsetpekte. Bul basqıshta qatnasıwshılar 100 ballıq sistema tiykarında tómendegi eki baǵdar boyınsha bahalanbaqta: Ruwxıy-aǵartıwshılıq iskerligi – talabanlardıń jeke rawajlanıwı, óz ústinde islewi, ruwxıy-ádep-ikramlılıq hám tárbiyalıq jumısı jáne alǵa qoyǵan baslamaları boyınsha tayarlaǵan prezentaciyası 20 ballıq sistema tiykarında bahalanadı. Kitapqumarlıq boyınsha test sınaǵı – búgin usınıs etilgen ádebiyatlar tiykarında dúzilgen 40 test sorawı arqalı qatnasıwshılardıń bilim dárejesi anıqlanadı. Hár bir durıs juwap 2 ball menen bahalanıp, bul baǵdar boyınsha maksimal 80 ball toplaw imkaniyatı bar.
