«Mektepke shekemgi baslawısh hám arnawlı tálim metodikaları» kafedrasınıń professor-oqıtıwshıları tárepinen Qanlıkól rayonı Mektepke shekemgi hám mektep bilimlendiriw bólimine qaraslı 18-sanlı ulıwma orta bilim beriw mektebinde rayondaǵı barlıq ulıwma bilim beriw mekteplerindegi baslawısh klass oqıtıwshıları ushın «Milliy oqıw baǵdarlaması tiykarında baslawısh klass sabaqların oqıtıwdı jetilistiriw» atamasında kóshpeli seminar ótkerildi.
Seminarda ótkeriwdegi tiykarǵı maqseti: rayondaǵı baslawısh klass muǵallimleriniń Milliy oqıw baǵdarlaması tiykarında jaratılǵan jańa áwlad sabaqlıqların zamanagóy metodikalardan paydalanıp oqıtıw kónlikpelerin jetilistiriwden ibarat. Ilajda «Mektepke shekemgi baslawısh hám arnawlı tálim metodikaları» kafedrasınıń baslıǵı B.Ótemuratov «Ulıwma bilim beriw mektep oqıtıwshılarında kommunikativlik kompentenciyanı qáliplestiriw metodları», kafedra aǵa oqıtıwshıları P.Salieva «Baslawısh tálim Ana tili hám oqıw sawatlılıǵı pániniń milliy oqıw baǵdarlamaları, sabaqlıq hám oqıw qollanbalar analizi», G.Yusupova «Baslawısh klass sabaqlıqlarında jańa metodikalardan paydalanıw» hám Z.Tajekbaeva «Milliy baǵdardlamaǵa tiykarlanǵan jańa sabaqlıqlar analizi» temalarında óz bayanatları menen qatnastı.
Nátiyjede seminar qatnasıwshıları pedagogikalıq oray professor-oqıtıwshıları tárepinen ótkerilgen “Meniń sezimlerim” shınıǵıwı, “Associyaciya”, “A4 format metodı”, “Kishi topar jumısı” hám “Reflekciya” metodlarınan paydalanıw kónlikpeleri qáliplesip bardı.
Seminar interaktiv metodlar tiykarında qızǵın dawam etti.
