Ózbekstan Respublikası Prezidentiniń 2022-jıl 11-mayda qabıl etilgen “2022-2026-jıllarda Xalıq bilimlendiriwin rawajlandırıw boyınsha Milliy baǵdarlamanı tastıyıqlaw haqqında”ǵı PP-134-sanlı Pármanında mektep bilimlendiriwin rawajlandırıwǵa qaratılǵan wazıypalardıń orınlanıwın támiyinlew maqsetinde hám Qaraqalpaqstan Respublikası pedagogikalıq sheberlik orayınıń 2025-jıl ushın jıllıq is jobasına tiykarlanıp pedagoglarǵa úzliksiz metodikalıq járdemler kórsetip barıw belgilep alınǵan. Usı maqsette “Anıq hám tábiyiy pánler metodikası” kafedrası professor-oqıtıwshıları tárepinen Kegeyli rayonındaǵı ulıwma bilim beriw mákemelerinde jumıs alıp barıp atırǵan anıq hám tábiyıy pánler muǵallimleri ushın kásiplik rawajlanıw hám metodikalıq bilimlerin bayıtıw maqsetinde rayondaǵı 14-sanlı mektepte “Jańa metodikalar tálim sapasın asırıwdıń áhmiyetli faktorı” atamasında ámeliy seminarı ótkerildi.
Seminardıń maqseti:
Mektep oqıtıwshılarına zamanagóy pedagogikalıq texnologiyalar hám metodikalıq járdem beriw,
Sabaq procesinde innovaciyalıq metodlardan paydalanıw kónlikpesin qáliplestiriw;
Bilimlendiriw sapasın arttırıwda pánleraralıq integraciya hám STEAM texnologiyalarınıń áhmiyetin kórsetiw;
Oqıtıwshılar arasında tájiriybe almasıw, mashqalalardı dodalaw hám sheshimler islep shıǵıw.
Seminarda professor-oqıtıwshılar hámde qánigeler óz tájiriybeleri menen bólisti.
Tómendegi tiykarǵı temalar kórip shıǵıldı:
Klastı nátiyjeli basqarıw;
Sabaqlardı rejelestiriw hám maqsetlerdi duris belgilew;
Joybar tiykarında bilimlendiriw;
Kriteriyaǵa tiykarlangan bahalaw sisteması;
Sanlı bilimlendiriw tiykarları.
Pedagogikalıq sheberlik orayı tárepinen bunday ámeliy ilajlar jıl dawamında reje tiykarında shólkemlestirilip barılıwı rejelestirilgen.
