2025-jıl 18-aprel kúni Qaraqalpaqstan Respublikası Pedagogikalıq sheberlik orayı «Tillerdi oqıtıw metodikası» kafedrası hám «Qaraqalpaq tili hám ádebiyatı páni oqıtıwshıları» kásiplik rawajlanıw (qánigelik arttırıw) kursınıń shólkemlestiriwinde “Milliy kún” tańǵı ilajı bolıp ótti.
Ilajda qatnasıwshılar qaraqalpaq xalqınıń bay mádeniy miyrası menen jaqınnan tanısıw imkaniyatına iye boldı. Qaraqalpaq xalqı óziniń naqıl-maqalları, dástúriy qosıqları, úrp-ádetleri hám milliy kiyimlerine iye bolıp, hár bir materiallıq, mádeniy múlki úlken tariyxıy hám ruwxıy rawajlanıwdı sáwlelendiredi.
Ilajda qatnasıwshılardı qaraqalpaq xalqınıń áyyemgi dástúrleri, kóp ásirlik ruwxıy baylıqları, búgingi kúnde de jasap kiyatırǵan úrp-ádetleri menen tanıstırıwǵa ayrıqsha itibar qaratıldı. Milliy kiyimlerdiń ózine tán ráńbáreńligi hám naǵısları, dástúriy qosıqlardıń ruwxıy tásiri hám xalıqtıń danalıqqa tolı naqıl-maqallarınıń turmısqa bolǵan filosofiyalıq qatnası bul ilajdı jáne de ruwxıy bayıttı.
