“Korrupciyaǵa qarsı gúresiwdiń zamanagóy qatnasları” atamasında ashıq sabaq bolıp ótti

“Social-ekonomikalıq pánler metodikası” kafedrasınıń aǵa oqıtıwshısı, tariyx ilimleri boyınsha filosofiya doktorı (PhD) S.Usenov tárepinen matematika páni kursı tıńlawshıları ushın “Korrupciyaǵa qarsı gúresiwdiń zamanagóy qatnasları” atamasında ashıq sabaq ótkerildi. Ashıq sabaqtıń tiykarǵı maqseti – tıńlawshılardı korrupciya jaǵdaylarına mawasasız bolıwǵa, hadallıq, ádillik hám nızam ústinligi principlerine sadıq bolıwǵa shaqırıwdan ibarat. S.Usenov korrupciyaǵa qarsı gúresiwdiń zamanagóy kózqarasları, atap aytqanda, sanlı basqarıw sistemaları, ashıq-aydınlıqtı támiyinlew mexanizmleri, xalıqaralıq tájiriybeler hám mámleketimizde ámelge asırılıp atırǵan reformalar mısalında temanı jarıtıp berdi. Tıńlawshılar menen interaktiv soraw-juwap, dodalaw hám ámeliy mısallar tiykarında sabaq jáne de qızıqlı hám mazmunlı ótti.