Qaraqalpaqstan Respublikası Pedagogikalıq sheberlik orayında Jańa jıl bayramı múnásibeti menen ” Jańa jıl – jańa úmitler” atamasında bayram ilajı ótkerildi. Ilajda Pedagogikalıq sheberlik orayı direktorı wazıypasın atqarıwshı Baymurat Iztileuov shıǵıp sóylep, oray jámáátin kirip kiyatırǵan 2026-jıl menen qızǵın qutlıqladı. Ol óziniń shıǵıp sóylegen sózinde xızmetkerlerdiń jıl dawamında ámelge asırǵan nátiyjeli miyneti, juwapkershilikli jumısı hám bilimlendiriw tarawındaǵı xızmetlerin ayrıqsha atap ótti. Sonday-aq, jıl dawamında órnek kórsetken xızmetkerlerdi oray administraciyası atınan «Húrmet jarlıq»ları menen sıylıqladı. Ilaj sońında Pedagogikalıq sheberlik orayı Kásiplik awqamı tárepinen tayarlanǵan Jańa jıl sawǵaları barlıq xızmetkerlerge saltanatlı túrde tapsırıldı. Bul ilaj jámáátte bayram keypiyatı, óz-ara húrmet hám awızbirshilik ortalıǵın jáne de bekkemledi.
