Ózbekstan Respublikası Mektepke shekemgi hám mektep bilimlendiriwi ministrliginiń 2025-jıl 17-marttaǵı 89-sanlı buyrıǵınıń orınlanıwı sheńberinde “Oqıtıwshılardıń aldınǵı jumıs tájiriybesi hám xızmet dawamında qollanılıp kiyatırǵan zamanagóy metodikalardı engiziw sistemasın jetilistiriw” temasında Qońırat rayonı 41-sanlı ulıwma bilim beriw mektebinde seminar-trening shólkemlestirildi. Seminarda Qaraqalpaqstan Respublikası pedagogikalıq sheberlik orayınıń metodistleri qatnasıp, tábiyǵıy pánler, anıq pánler, ámeliy hám filologiya pánleri baǵdarları boyınsha ámeliy usınıslar hám aldınǵı tájiriybeler menen ortaqlastı. Ilaj dawamında: zamanagóy oqıtıw usılları, oqıtıwshınıń kásiplik rawajlanıwı, sabaqtıń nátiyjeliligin arttırıw máseleleri dodalandı. Seminar pedagoglar ushın úlken tájiriybe mektebi bolıp, keleshekte bilimlendiriwdiń sapasın jáne de arttırıwǵa xızmet etedi.
