Usı jıldıń 4-5-noyabr kúnleri Qaraqalpaqstan Respublikası Pedagogikalıq sheberlik orayında “Mektepke shekemgi hám mektep bilimlendiriwinde ózbek tilin sapalı oqıtıw: zamanagóy metodika hám innovaciyalıq qatnaslar” atamasında respublikalıq oqıw-seminarı ótkerilmekte. Bul oqıw-seminarınıń tiykarǵı maqseti mektepke shekemgi hám mektep bilimlendiriwi sistemasında ózbek tilin sapalı oqıtıw metodikasın jetilistiriw, pedagoglardıń kásiplik kompetenciyaların rawajlandırıw hám de bilimlendiriw procesine zamanagóy pedagogikalıq qatnas hám innovaciyalıq texnologiyalardı keńnen engiziwden ibarat. Seminar sheńberinde pedagoglardıń tómendegi baǵdarlar boyınsha bilim hám ámeliy kónlikpelerin rawajlandırıwǵa ayrıqsha itibar qaratılmaqta: 🔹 balalarda ózbek tiline qızıǵıwshılıq oyatıw hám tábiyiy kommunikativ til ortalıǵın jaratıw usılların ózlestiriw; 🔹 balalardıń sózlik baylıǵı, awızeki sóylewi, aytılıwı hám fonematikalıq esitiw kónlikpelerin rawajlandırıw metodikaların jetilistiriw; 🔹 oyın texnologiyaları hám interaktiv metodlar tiykarında ózbek tilin úyretiw nátiyjeliligin arttırıw; 🔹 sanlı texnologiyalar hám multimedia qurallarınan bilim beriw procesinde nátiyjeli paydalanıw; 🔹 inklyuziv hám ruwxıy jaqtan qáwipsiz bilimlendiriw ortalıǵın qáliplestiriw; 🔹 ózbek tili sabaqların zamanagóy talaplar tiykarında rejelestiriw, shólkemlestiriw hám talqılaw kónlikpelerin rawajlandırıw. Búgingi oqıw sabaqları dawamında “Mámleketlik tildi oqıtıwdıń zamanagóy koncepciyası, normativlik-huqıqıy tiykarları hám de CEFR hám Milliy oqıw baǵdarlamasına muwapıqlıǵı,” “Oyın tiykarında balalarǵa ózbek tilin úyretiw texnologiyaları,” “Balalar sóylewin baqlaw hám jas ózgesheliklerin talqılaw,” “Mámleketlik tildi kommunikativ qatnas tiykarında oqıtıw metodikası” temalarında teoriyalıq hám ámeliy sabaqlar alıp barılmaqta. Maǵlıwmat ushın: Respublikalıq oqıw-seminarında Qaraqalpaqstan Respublikasınıń 17 rayon hám qalasınan 17 ózbek tili muǵallimi qatnaspaqta.
