2026-jıl 14-yanvar Qaraqalpaqstan Respublikası Pedagogikalıq sheberlik orayında xalıqaralıq izertlew sheńberinde oqıw sawatlılıǵın bahalaw hám rawajlandırıwǵa qaratılǵan trening sabaqları óz jumısın basladı. Bul trening xalıqaralıq izertlew nátiyjeleri hám bilimlendiriwdiń sapasın arttırıwǵa qaratılǵan zamanagóy pedagogikalıq qatnaslar tiykarında shólkemlestirilip, ulıwma orta bilim beriw mákemelerinde oqıwshılardıń tekstti sanalı oqıw, mazmunın tereń ańlaw hám tallaw boyınsha kompetenciyaların rawajlandırıwǵa baǵdarlanǵan. Trening sabaqlarında ulıwma orta bilim beriw mákemeleri direktorlarınıń orınbasarları, baslawısh bilimlendiriw baǵdarı qánigeleri hám tarawǵa baylanıslı ekspertlerden ibarat jámi 54 qatnasıwshı qatnaspaqta. Sabaqlar dawamında xalıqaralıq izertlewdiń maqset hám wazıypaları, oqıw sawatlılıǵınıń teoriyalıq hám ámeliy tiykarları, dálillerge tiykarlanǵan didaktikalıq qatnaslar, sonday-aq, baspa hám sanlı tekstlerdi oqıp túsiniw kónlikpelerin rawajlandırıwǵa qaratılǵan nátiyjeli pedagogikalıq usıllar boyınsha bayanatlar hám ámeliy sabaqlar ótkerilmekte. Maǵlıwmat ushın: trening sabaqları usı jıldıń 16-yanvar sánesine shekem dawam etedi. 
Xalıqaralıq izertlew sheńberinde oqıw sawatlılıǵın rawajlandırıwǵa qaratılǵan trening sabaqları baslandı.
Back To Top