#Baspasóz_konferenciyası
Usı jıldıń 24-dekabr kúni Qaraqalpaqstan Respublikası Pedagogikalıq sheberlik orayında “Uzliksiz kásiplik rawajlandırıw: Jıl juwmaǵı hám nátiyjeleri, keleshek perspektivaları” atamasında baspasóz konferenciyası bolıp ótti.
Ilajda Qaraqalpaqstan Respublikası Pedagogikalıq sheberlik orayı direktorı wazıypasın atqarıwshı B.Iztileuov, Akademiyalıq iskerlik boyınsha direktor orınbasarı A.Qaypnazarov, sonday-aq, kafedra baslıqları, bólim baslıqları hám ǵalaba xabar qurallarınıń wákilleri qatnastı.
Baspasóz konferenciyasında Pedagogikalıq sheberlik orayı direktorınıń akademiyalıq iskerlik boyınsha orınbasarı A.Qaypnazarov shıǵıp sóylep, 2025-jılı úzliksiz kásiplik rawajlanıw sistemasında ámelge asırılıp atırǵan reformalar, erisilgen nátiyjeler hám keleshektegi tiykarǵı wazıypalar haqqında tolıq maǵlıwmat berdi.
Sonıń ishinde, pedagog kadrlardıń kásiplik potencialın arttırıw, zamanagóy texnologiyalar tiykarında qánigelik arttırıw processlerin jetilistiriw, sanlı texnologiyalardı engiziw baǵdarında alıp barılıp atırǵan jumıslar ayrıqsha atap ótildi. Sonday-aq, baspasóz konferenciya dawamında ǵalaba xabar quralları wákilleri tárepinen berilgen sorawlarǵa hár tárepleme juwaplar berildi.
