2026-jıl 24-25-mart kúnleri Xorezm wálayatı, Xiywa qalasındaǵı “Erkin Palace” miymanxanasında “Klass bólmesinde bahalaw: oqıwshılardıń nátiyjelerin jaqsılaw” atamasında seminar shólkemlestirildi. Ilaj Ózbekstan Respublikası Mektepke shekemgi hám mektep bilimlendiriwi ministriniń 2026-jıl 27-fevraldaǵı 03-33-1143-sanlı xatına tiykarlanıp ótkerildi.
Seminarǵa Xorezm wálayatı pedagogikalıq sheberlik orayınıń baslıǵı, ekonomika ilimleriniń doktorı (DSc), docent, húrmetli professor Salaev Jasurbek Komilovich hám bilimlendiriwde bahalaw boyınsha milliy konsultant Feruza Tursunova qatnasıp, qatnasıwshılarǵa sertifikatlardı saltanatlı túrde tapsırdı.
Bul ilajda Qaraqalpaqstan Respublikasınan 16 hám Xorezm wálayatınan 12 mentor muǵallim – matematika, ana tili hám baslawısh tálim baǵdarlarınıń wákilleri qatnastı. Seminar dawamında qatnasıwshılar zamanagóy bahalaw kózqarasları, oqıwshılardıń nátiyjelerin jaqsılawǵa qaratılǵan nátiyjeli usıllar menen tanısıp, óz bilim hám kónlikpelerin jáne de bekkemlew imkaniyatına iye boldı.
