Press-turning yakuniy manzili Nukus shahridagi 53-sonli umumiy o‘rta ta’lim maktabi bo‘ldi. Tashrif davomida maktabda rus tili va ona tili fanlari bo‘yicha tashkil etilgan kasbiy rivojlanish tadbirlari, o‘qituvchilarning metodik hamkorlik ishlari hamda 5-sinfda tabiiy fanidan “Magnit kuchi” mavzusidagi ochiq dars namoyish etildi. Ochiq dars jarayonida zamonaviy pedagogik texnologiyalar, interfaol usullar va amaliy tajribalar qo‘llanilib, o‘quvchilarning mavzuni chuqur anglashiga alohida e’tibor qaratildi. OAV vakillari maktabda o‘qituvchilarning uzluksiz kasbiy rivojlanishini ta’minlash, ta’lim jarayoniga innovatsion yondashuvlarni joriy etish hamda ta’lim sifati va samaradorligini oshirishga qaratilgan tizimli ishlar bilan yaqindan tanishdi.
