Qoraqalpog‘iston Respublikasi Pedagogik mahorat markazida Tillarni o‘qitish metodikasi kafedrasi dotsenti Bayrambay Turimbetov tomonidan uzluksiz kasbiy rivojlanish «Qoraqalpoq tili adabiyoti» kursida “Ona tili va adabiyot darslarida ‘Material-rasmli-ramziy’ yondashuv orqali hayotiy ko‘nikmalarni rivojlantirish” mavzusida ochiq dars o‘tkazildi.
Dars PISA xalqaro baholash dasturi asosida ona tili va adabiyot darslarining samaradorligini oshirish maqsadida tashkil etildi. Ishtirokchilar matnni tushunish va tahlil qilish jarayonida voqea va obrazlarni rasm va belgilar yordamida ifodalash ko‘nikmalarini rivojlantirdilar.
Ochiq dars davomida: tahliliy fikrlash va ramziy tafakkurini rivojlantiruvchi mashg‘ulotlar o‘tkazildi; hayotiy tushunchalarni aniqlash va badiiy obrazlardan xulosa chiqarish topshiriqlari bajarildi; mavzu hayotiy misollar bilan bog‘landi.
