Yangi o‘quv yilining birinchi kuni O‘zbekiston Respublikasi mustaqilligining 34 yilligi munosabati bilan «Vatan uchun, millat uchun, xalq uchun» shiori ostida «Kelajak soati» darslari tashkil etildi. Ushbu darslarda o‘qituvchilarga mamlakatimiz taraqqiyoti yo‘lidagi ustuvor vazifalar, ta’lim sohasiga qaratilayotgan e’tibor va O‘zbekiston Respublikasining rivojlanish strategiyasi haqida atroflicha tushunchalar berildi. «Kelajak soati» darslari yoshlarning bilim va dunyoqarashini kengaytirish, ularda Vatanga sadoqat, millat va xalq oldidagi mas’uliyat hissini mustahkamlashga xizmat qildi.
