Qoraqalpog‘iston Respublikasi Pedagogik mahorat markazining “Ijtimoiy-iqtisodiy fanlar metodikasi” kafedrasi tomonidan 18 noyabr — O‘zbekiston Respublikasi Davlat bayrog‘i qabul qilingan kun munosabati bilan “Bayrog‘imiz — faxrimiz” mavzusida bayram tadbiri tashkil etildi.
Tadbirning asosiy maqsadi — tinglovchilar va pedagoglar orasida davlat ramzlariga bo‘lgan hurmat va ehtiromni oshirish, milliy qadriyatlarimizning mazmun-mohiyatini chuqur anglatish, yosh avlod qalbida vatanparvarlik va milliy g‘urur tuyg‘ularini kuchaytirishdan bo‘ldi.
Bayram dasturi davomida Davlat bayrog‘ining qabul qilinish tarixi, uning ramziy ma’nolari va bugungi kundagi ahamiyati haqida ma’lumotlar berildi.
