“Tarbiya fanini o‘qitishda affektiv ko‘nikmalarni rivojlantirish” mavzusida metodik seminar o‘tkazildi

“Ijtimoiy-iqtisodiy fanlar metodikasi” kafedrasining katta o‘qituvchisi Nurjamal Tleumuratova tomonidan Tarbiya fani o‘qituvchilarining uzluksiz kasbiy rivojlantirish (malaka oshirish) kursi tinglovchilari uchun “Tarbiya fanini o‘qitishda affektiv ko‘nikmalarni rivojlantirish” mavzusida metodik seminar tashkil etildi. Seminarning asosiy maqsadi — Tarbiya fanida affektiv ko‘nikmalarning mazmuni va ularning bosqichlarini yoritish, shuningdek, o‘quvchilarda empatiya, qadriyatlarni qabul qilish va munosabat bildirish kabi affektiv kompetensiyalarni shakllantirishga qaratilgan samarali metodlarni tinglovchilarga o‘rgatishdan iborat bo‘ldi. Tadbir davomida ishtirokchilarga affektiv sohada qo‘llaniladigan interfaol usullar, amaliy mashg‘ulotlar orqali ko‘rsatib berildi.