«Ijtimoiy-iqtisodiy fanlar metodikasi» kafedrasining katta o‘qituvchisi, tarix fanlari bo‘yicha falsafa doktori (PhD) S. Usenov tomonidan matematika fani kursi tinglovchilari uchun «Korrupsiyaga qarshi kurashishning zamonaviy yondashuvlari» mavzusida ochiq dars o‘tkazildi.
Ochiq darsning asosiy maqsadi — tinglovchilarni korrupsiya holatlariga nisbatan murosasiz bo‘lishga, halollik, adolat va qonun ustuvorligi tamoyillariga sodiq bo‘lishga da’vat etishdan iborat.
S. Usenov korrupsiyaga qarshi kurashishning zamonaviy yondashuvlari, xususan, raqamli boshqaruv tizimlari, ochiqlik va shaffoflikni ta’minlash mexanizmlari, xalqaro tajribalar va mamlakatimizda amalga oshirilayotgan islohotlar misolida mavzuni yoritib berdi.
Tinglovchilar bilan interaktiv savol-javob, muhokama va amaliy misollar asosida dars yanada qiziqarli va mazmunli o‘tdi.
